Sawrkar laipui National Cooperative Development Corporation (NCDC) hnuaia Laxmanrao Inamdar National Academy for Cooperative Research-a Regional Training Centre chuan Thawhlehni khan Champhaiah ni khat awh ‘District Level Awareness Programme on PMMSY, FIDF & LIFIC’ a huaihawt.
Hmanpuitu Cooperation minister PC Vanlalruata chuan, sawrkarin mipui hamthatna a ngaihtuah reng a, heng hamthatna hi mipuiin an hriat a pawimawh hle tih a sawi a. NCDC chu an hnathawh a tha a, Mizoramah nasa zawka hman tangkai theih dan dap mek a ni tih a sawi.
“PMMSY scheme hian sangha tam zawk thar chhuah a tum a. Ministry of Fisheries, AH & Dairying hnuaia scheme lian tak a ni. Sum lakluhna tha leh sangha hmanga eizawngte chawikanna pawimawh tak a ni,” a ti. Cooperative society chu khawtlang leh ram hmasawnna atan leh hnam chawikanna atan rahbi pawimawh tak a ni tih a sawi bawk.
Sangha dil siamtute leh sangha hmanga eizawngte zirtir an ni a. Cooperation department hnathawh, Ministry of Cooperation hmalakna, LINAC Fisheries Business Incubation Centre (LIFIC), Fisheries department hnathawh, Pradhan Mantri Matsya Sampadya Yojana (PMMSY) leh fish farmer producer organization tana scheme awm, Fisheries & Aquaculture Infrastructure Development Fund (FIDF) leh PMM Kisan Samridhi Sah-Yojana (PM-MKSSY) zirtir an ni.
Sangha dil siamtute tan sawrkarlaipui scheme hoa hriat tur hrilh
