Ministry of Cooperation-a National Cooperative Development Corporation (NCDC) bultumin Mamit district huapin sawrkar laipui scheme – Pradhan Mantri Matsya Sampada Yojana (PMMSY), Fisheries and Aquaculture Infrastructure Development Fund (FIDF) leh LINAC-NCDC Fisheries Business Incubation Centre (LIFIC) chungchang inhrilhfiahin Nilaini khan Zawlnuamah hun hman a ni.
Hmanpuitu Fisheries minister Lalthansanga chuan society system-a Mizote kan kal thiam a tul a, kan ngaihtuahna leh thil thlir dan pawh tunlai mila siamrem a tul tawh tih a sawi a. Mamit district chu sangha leh thlai dang tan potential area a nih angin, engti angin nge ka hlawhtlinpui ang tih rilru nei a, Zawlnuam leh a chhehvela chengten a hlawhtlinna tak tak chhawr tura taimak chhuah chunga sawrkar kaltlanga hmasawnna awmte chhawr thiam turin a chah.
NCDC regional director Robert H Touthang, joint secretary Liansangzuala Chhakchhuak, district cooperation officer Lalthangfala leh district fisheries development officer Remsangpuii ten thu an sawi a, chawhnu hunah mithiamten an zirtir a ni.
Sangha hmanga eizawngtute hrilh
