Sangha inthlahpun laiin man leh tihbuai an khap

Tunlai hi sangha inthlahpun lai a ni a, sawrkar chuan sangha thenkhat man leh tihbuai a khap.
The Mizoram Fisheries Act 2002 section 5(1) leh (2) behchhanin Mizoram larsap chuan luia nungcha leh sangha chi hrang hrang an inthlah pun hunchhunga tih chhiat leh tih buai an nih loh na tur leh, him taka an inthlahpun theihna’n sangha leh nungcha man khapna hun a puang a. Hemi hun chhung hian sangha leh nungcha man, tih hlum, an chenna leh nunphung tih buai khap a ni.
October 10 atanga December 10 chhung hian lui sa humhalh a ni a. Luidung nungcha humhalhte chu – Nghalim, Nghadawl, Lengphar (Garra, Danio, Barillius sp) a ni.
Humhalhin a huam chin hi Autonomous District Council pathum huamchin tel loin, Mizoram hmun dang zawng lui leh luite zawng zawng a ni a. Khapna dan bawhchhia chu The Mizoram Fisheries (Amendment) Act 2016 Section 5(4) hmanga hrem tur niin, thla khat chhung lung in tan, thla 3 chhung thleng pawhsei theih a ni a, sumfai Rs. 5000 chauh chawitir emaw, a pahnih emawa hrem theih a ni.