Indian Council of Agricultural Research- Central Institute of Fisheries Technology (ICAR-CIFT), Visakhapatnam Research Centre chuan Mizorama sangha khawituten hmasawnna an neih theih nan training a buatsaih a. Thawhlehni khan tanin Ningani thleng a awh ang.
Thupui pahnih – “Responsible Inland Fishing through Sustainable Fish Harvesting Practices” tih leh, “Value Addition and Hygienic Handling of Fish for Increasing Domestic Fish Consumption and Promoting Small Scale Entrepreneurship in Mizoram” tih hmangin training hi neih a ni a. A hawnna hi Fishries minister Lalthansanga chuan a hmanpui a ni.
ICAR-CIFT principal scientist Dr Raghu Prakash chuan sangha seng dan, sangha eitur tuihnai taka sawngbawl dan, packaging, thianghlim taka sawngbawl dan leh sangha leh kan ei duhlo lai tangkai zawka hman dan a sawifiah a. Senior scientist Dr Jesmi Debbarma leh senior technical officer Bhuneshwar ten sangha atanga eitur tuihnai leh thianghlim taka sawngbawl dan an zirtir a ni. Aizawl, Mamit leh Kolasib atangin mi 50 an tel a ni.
Sangha khawitute tan an hriat tur tul inhrilh
