Mizoram hian sangha dil kan neih zau ang huin sangha kan thar chhuak tam lo hi eng nge a chhan tih zawn chhuah a, tun aia tam zawk thar chhuak thei tura tanlak a pawimawh dawn hle.
Tun dinhmunah Mizoramah hian sangha dil 16,587 a awm mek a; hei hi a zau zawng belhkhawm chu square kilometre 55.27-a zau tihna a ni. Chumi awmzia chu a dung km 55, a vang km 55 tihna a ni; a zau thawkhat hle.
Sangha tharchhuah dan hi national average chu 3-6 tonnes per hectare a ni a; hectare khatah sangha Kg 3000-6000 a tharchhuah theih tihna a ni. Hetih lai hian, record thar ber atanga chhut chuan, Mizoram sangha dil hectare khatah hian sangha Kg 800 chuang awrh chauh kan thar chhuak ve a, national average minimum kan phak lohna pawh hi Kg 2000 chuang a la ni.
National average minimum tal hi phak ila, tuna kan sangha dil zau zawng hectare 5527 atanga sangha kan tharchhuah theih zat tur chu 5527×3000=1,65,81,000Kgs a ni dawn tihna a ni. Heti zat tharchhuah theihna nei si hian, engatinge state dang atanga sangha hi kan la chawkluh teuh teuh tih hi kan ngaihtuah a hun ve ta hle.
Sangha note (sangha chi) pawh kan tharchhuak tlem. Tuna Hatcheries 9 kan neih mek atang hian nuai 126 kan tharchhuak a, kan sangha dilte hian nuai 442 an mamawh a, kan mamawh daihlohna hi nuai 316 a ni. Heti zat leina sum hi state pawnah kan thehchhuak tihna a ni a. Chutih laiin state dang sangha tharchhuah lei nan cheng vaibelchhe tel a chhuak hum hum reng bawk a. Sanghaa intodelh tum si hian sangha manah kan insengso nasa hle tihna a ni.
State dang pawhin an tharchhuah tam theih laia kan tharchhuak tam ve thei lo hi a chhan zawnchhuah a, sanghaa intodelh tura tanlak kan ngai hle a ni.
Sangha thar chhuah tlem chhan hi?
