North Eastern Council (NEC) sum, nuai 685 kaltlanga ruahman tur sapthei sawngbawlna hmunpui ‘Passion Fruit Processing Unit’ New Champhai chu Inrinni khan Champhai South bialtu MLA, minister TJ Lalnuntluanga’n a lungphum a phum.
Minister chuan ‘Passion Fruit Processing Unit’ Champhaia din tur hian sawrkar laipuia Ministry of Food Processing pawh tum engemawzat an dawr a, NEC hnuaiah tih hlawhtlin a ni ta tih a sawi a. Chief minister Pu Zoramthanga’n Champhai district sapthei chingtute mamawh a ngaipawimawh takzet a, NEC project dilna zingah ‘priority list’ a dah a ni tih a sawi.
He project hmalakna kal mekah hian Mualkawi leh Ngur khuaah Horticulture department hmalaknain pioneer project-in kuthnathawktuten sapthei an ching mek a, project a hlawhtlin ngei theihnan kuthnathawktute chu lo inpuahchah turin a sawm tih a sawi a ni.
Sapthei processing unit din tur hian cheng nuai 685 ruahman a ni a. Civil works atan nuai 185 dahin, sapthei sawngbawlna khawl hrang hrang leina atan nuai 500 ruahman a ni.
Sapthei sawngbawlna din dawn
