Keinin kan inbel ve ngai loh avangin a ho han tihsak ngawt chi a ni lo. Indian hmeichhe tam zawkin an inbel thin, maktaduai tam tak tana traditional dress a nih miau avangin India-ah chuan ngaihhlut a ni lo thei lo. The Chennai Silks-in an tah, saree lar tak mai, Vivaah Pattu Saree an tih chu January ni 5, 2008 khan Rs 39,31,627-in an hralh a, Guinness World Records-in khawvela saree man to berah a puang.
He saree-ah Indian artist hriathlawh tak Raja Ravi Varma painting hrang hrang 11 chu a lem rangkachak, silver leh platinum lazai hmangin an tah tel a, lunghlu, ruby leh emerald bakah sapphire te hmangin an cheimawi bawk. He saree pakhat tah nan hian kum khat chuang hun an hmang nghe nghe a ni.
He silk saree tah nan hian silk bakah rangkachak gram 59.7, lunglu (diamond) 3.913 carats, platinum 120 mg, silver gram 5, ruby 2.985 carats, emerald 55 cent, yellow sapphire 3 cent, sapphire 5 carats, cat eye 14 cent, topaz 10 cent, pearl gram 2 leh coral 400 mg leh lunghlu chi hrang hrang an hmang tel a, kg 8 ngawta rit a ni.
Saree man to ber
