SASCI hmanga hnathawh sawiho
Special Assistance to States for Capital Investment (SASCI) Scheme hnuaia Serchhip khawpui chhunga hnathawh mek sawihoin Ningani khan bawrhsap Paul L Khuma hoin district thuneitute an thukhawm.
SASCI Scheme hmang hian Serchhip-ah Circuit House, sawrkar quarters leh District Jail-a quarters sak hna thawh a ni a. Sawihonaah hian PWD lamin powerpoint hmangin report an pe a. Tuna hmalakna chin chu tha tawka ngaih niin, contractor-in beisei aia chakin hna an thawk tih sawi a ni.
Contractor hian hmalak meknaa harsatna an tawh thenkhat a sawi a, chinfel dan ngaihtuah ho a ni.
North Eastern Council sum hmanga Kawlri-a Heritage Society building sak mek pawh sawi a ni a. He building hi bawrhsap bakah DoNER secretary-in a hmunah an endik tawh a. Hna tha taka thawh zel a ni tih sawi a ni.
SASCI hmanga hnathawh sawiho
