Saudi border guards te chuan Yemeni border-a migrants tam tak tihlumah puh an nih thu Human Rights Watch te report thar ber chuan a tarlang.
Report chuan mi za tel tehmeuh a tam ber te chu Ethiopian mite indona tlansana Yemen a\anga Saudi Arabia pan tum te chu kahhlumin an awm tia sawi a ni.
Migrants te chuan chanchinthar thehdarhtute hnenah silaiin a den avangin an kut leh ke tanchhum te chu hmuhtirin pholanin a awm bawk a. Saudi Arabia erawhin ‘systematic killing’ kalpui anga puhna chu a hnawl thung.
Human Rights Watch (HRW) report hi ‘They Fired On Us Like Rain’ tih niin hetah hian thlalak hmuh nuam lo zet zet te pholan tel niin chung te chu Saudi police te leh sipai tena an beihna tiin tarlan a ni.
Media mitena kawmna an neihah Ethiopians raltlante chuan Saudi lut tura ramri an kan laiin nasa taka kah an nih thu an sawi a. “Min kap vak mai a ni” tiin kum 21-a upa Mustafa Soufia Mohammed chuan a sawi a.
Nikum July thla khan ramri kan tuma migrants 45 vel an kal laiin silai hmanga beih an nih thu a sawi a. “Min kap fuh tih pawh ka hre mai lo va. Mahse, ka awmna a\anga thova kal ka tum chu ka ke a bung tih ka hria a ni,” tiin a sawi.
Ethiopia a\ang hian Saudi lut tur hian thil hlauhawm hrang hrang thla thum tehmeuh tuarin Yemeni leh Ethiopian smugglers te hmachhawnin hun an hmang a ni.
“Saudi Arabia ka pan chhan chu kan chhungkua dinhmun tih\hat ka duh vang a ni a. Mahse, ka beisei loh angin thil a kal a, tunah chuan ka nu leh pate kutah ka innghat ta vek mai,” tiin Mustafa chuan a sawi a. Ethiopia ah let leh tawhin ke lem nen hun a hmang mek a ni.
Yemeni capital-ah pawh Zahra a awm mek a, a thil tawn chu sawi hleithei lo khawpin a la khawih a ni. Kum 18-a upa chauh a ni a. A khualzin nan $2,500 lawih sengin chungte ramri-ah chu tham nan te, inkhul chhuah nan te a hman a ni a. A kut \ang chu silai muin a thlawhsak bawk.
UN hnuaia International Organization for Migration te chuan kum tinin Horn of Africa a\angin Yemen-ah chuta \anga Saudi luh tum mi 200,000 vel an awm ziah angin a chhut a.
Human rights organisation te chuan mi tam tak te chu lung inah khunga awmin vuak leh sawisakin an awm an ti bawk a. Tuipuia zin chu a hlauhawm em em bawk a, karaklta lawk pawh khan Djibouti tuipui kam maiah lawng kehchhia avangin migrants 24 chu an chin hriat lohin an awm bawk.
Yemen main route-ah chuan kawngkamah kalkawnga nunna chante thlan a awm rem rum bawk a ni.
Saudi in pha
Saudi sorkar chuan raltlante nghaisaa puhna chu hnawlin tun thlengin thuneitute chuan heng Saudi an puhna te hi engmah information emaw finfiahna \ha emaw a la awm lo tiin a sawi a.
Mahse thla kalta khan Mixed Migration Centre te chuan Saudi ramri a inthahna nasa tak chu anmahni ngeiin chhui chianga dam khawchhuakte kawmna an neih te chu an tarlang thung.
Human Rights Watch te pawhin report kimchang zawk siamin thuneitu tena raltlante an kahhlumna hmun lansgar zual te chu satellite thlalak hmangin an pholang bawk.