Saudi leh Iranian Foreign Ministers te chuan Ramadan intan rualin phone a inbia in ram pahnih tena inremna an siam bawhzui zel tura inbiakna neih vat an remti dun tiin Riyadh chuan a sawi.
Saudi Minister, Prince Faisal bin Farhan chuan Iran hruaitu Hossein Amir-Abdollahian chu bia in hruaitu pahnih te hian Ramadan thla thianghlimah chibai inbuktawn an nei tia sawi niin ram pahnih foreign ministry chuan thuchhuah siamin an tarlang ve ve a ni.
“Minister pahnih te chuan embassy hawn dun ve ve a nih theih nana inbiakna chu neih vat ni se an ti” tiin thuchhuah siam chuan a tarlang bawk a.
March 10 khan China hmalakna hnuaiah ram pahnih te hian inbiakna neiin inremna siam zui a ni a, kum tam tak inzawmna mumal nei tawh lo Arab ram pahnih chuan inzawmna tha neia thawh dun an remti dun a ni.
Riyadh hian Iranian protester tena kum 2016 a Saudi in Shiite cleric Minr al-Nimr a khaihlum avanga an embassy in beih a tawh hnuah inzawmna a chhuchat zui nghal a ni.
Iran hi Shitte-majority ram niin Saudi Arabia erawh Sunni Muslim te ram a ni thung a, Muslim sakhua be tu ve ve ni si an ngaihdan leh rindan in ang lo avangin an inhaw hle thung.
Pathianni khan Iranian official te chuan President Ebrahim Raisi chu Saudi Araia atangin King Salman chuan zin turin a awm tiin a puang a, hei erawh Riyadh chuan sawi fiahna emaw a la nei zui lo thung.
Ram pahnih te chuan inbiakna neih zuizel erawh tum thungin inbiakna hmun atan hmun pathum chhawpchhuah a ni tawh tih a ni bawk.
Saudi Arabia hi khawvela oil tharchhuak hnem ber ram a ni a, Iran erawh Western government te nena nuclear activity avanga inhal kumhlun ni thungin ram pahnih hian inzawmna tha an nei a nih chuan helai region vel buai nuai chu chawk danglam vek thei tura ngaih a ni thung.
Saudi leh Iran te inkawmngeih tum zui zel
![](https://theaizawlpost.org/wp-content/uploads/tap_logo-min-large.jpg)