Saidi Arabian club Al Hilal lamin Kylian Mbappe lei an dil mek laiin Bayern Munich forward Sadio Mane pawhin Saudi Arabian club dang Al-Nassr lam sawmna a pawm dawn em tih a in-ngaihtuah mek.
Liverpool striker hlui Mane hian season liamta khan Bundesliga giants tan game 38-ah goal 12 chauh khung tlingin, tunah kum 31 mi a ni ve tawh a, nikum nipui laia Liverpool atanga pound mak-taduai 35-a an lakluh man sum goal hmangin a thawkchhuak tawk lo niin a lang a, Bun-desliga champion lai duhsakna a hlawh zo tawk tawh loa ngaih a nih avangin sum tam zawk hlawh theihna Arab ram lam hi a pan zui ve tawh mai rinna a lian chho mek.
Report hrang hrang atanga a lan danin Bayern lam pawh hian Senegal international hralh hi an duh a, an manager Thomas Tu-chel chuan Mane hian beisei a pha lo tih a lo sawichhuak tawh bawk niin an tarlang.
Mane leh Al-Nassr pawh hi an inbe tawh ngei a, mahse, tun dinhmunah inremna an la khawrpum lo deuh.
A career-a sum tam mangkheng hlawh turin Mane hian Arab a pan a nih chuan Man-chester United for-ward Cristiano Ro-naldo, ex-Red Devil Alex Telles leh Croatia international Marcelo Brozovic-te nen an khelho dawn a ni.
Anfield-ah khan Senegalese a hlawhtling a, Champions League leh Premier League title lakpuiin, nikum nipui thawt lai khan chona thar hmachhawn turin Germany lamah a insawn a; April thla Champions League match-a Manchester City an hneh loh tum khan a team-mate Leroy Sane a hnek nia sawi niin, club lam atanga pawisa chawitir a nih bakah squad atanga paihchhuah zawk a ni.
Saudi pan turin Mane la inngaihtuah mek
