Mizoram Agriculture Marketing Board (MAMB) chuan Mualkawi Secondary Collection Centre hnena minimum support price aia sanga sawhthing hralhna man tlingkhawm Rs. 1,99,833 chu Ningani khan an hlan let.
Mualkawi SCC hian primary society 8 – Mualkawi, Zokhawthar, Kelkang, Dilkawn, New Hruaikawn, Hruaikawn leh Buhfekzawl a huam a. Kumin chhungin Mualkawi SCC hian sorkar flagship programme kaltlangin an bial chhunga kuthnathawktute sawhthing thar chhuah chu auction kaltlangin an hralh. Sawrkarin minimum support price (MSP) kg ah Rs.50 a ruat aia sangin sawhthing hi an hralh thei a, an hralhna rate sang ber chu Rs.59 a ni. MSP aia sanga an hralhna sum tlingkhawm Rs. 1,99,883 chu MAMB hnenah Mualkawi SCC hian an chhung lut a. An sum chhunluh ang ang hi MAMB hian a hlan let a ni.
Hmanpuitu Agriculture & Farmers Welfare minister PC Vanlalruata chuan, Mualkawi SCC-in kuthnathawktute tana rinawm taka hma an lo lak dan chu a lawmawm takzet tih sawiin, midang tana entawntlak an ni tih a sawi. Sawrkarah an hlawkna rawn chhunlet nachang an hria chu ropui a tih thu sawiin, an ni anga rinawm taka farmer-te tana hma la tur chu ramin a mamawh atih a sawi a ni. An SCC chuan kudam thuamthat kawngah leh mamawhna hrang hrang an neih atana an hman theihnan sum hi hlan let an ni tih a sawi bawk.
Sawhthing hralhna man hlan let
