Chief minister Lalduhoma hmaah Staunch Enterprise Tinsukia Assam leh Zawlnghak Farmer Producer Company leh Sialkal Farmer Producer Company te chuan Inrinni khan sawhthing metric ton 500 leh hmarcha metric ton 100 leina tur inremna an ziak a. He inremna hi Clover Organic Private Limited Dehdradun buaipuina hnuaia ziah niin, sawrkar laipuia Ministry of Agriculture & Farmers’ Welfare Project Management Unit project consultant Chinmoy Hait chuan hriatpuina a ziak a ni.Sawhthing leh hmarcha an inleisakna tur rate hi January 2024 ah la sawifel tur a ni a. Loneitute tana a rate tha tur ang zela ruahman an tum thu agreement facilitator firm – Clover Organic Pvt. Ltd senior vice president Sanjay Kumar chuan a sawi.
Zawlnghak FPC hian Mizoram loneitute tharchhuah sawhthing leh hmarcha an supply anga, Sialkal FPC hian sawhthing chauh an supply thung ang. A leitu tur firm aiawh hian Ernst & Young senior consultant Bishak Roy Chaudhury chuan inremna hi a ziak a ni.
Inremna hi supplier company pahnih leh buyer company pakhat, facilitator nei leh Ministry of Agriculture & Farmer Welfare aiawh hriatpuinaa ziah a ni a. Hescheme hi MOVCD-NER, MOM (Mission Organic Mizoram) Agriculture department hnuaia enkawl niin, FPC leh incentive hi hemi scheme atanga lokal a ni. Sawhthing leh hmarhcha chin hi Mizoram Agriculture department hnuaia hmalak leh enkawl a ni.
Chief minister hian sawrkar policy pawimawh ber pakhat thlai thartuten man man taka an thlai an hralh theihna tura hma latu company-te chungah lawmthu a sawi a. An inremna anga tha taka insumdawn tawnna an kalpui theih nan duhsakna a hlan a ni.
Sawhthing leh hmarcha lei turin inremna ziak
