Mizo mipa gospel singer hriat hlawh ber te zinga mi Sawmtea Chhangte chuan Chapchar Kut hmang turin US a thleng ta a, US visa kum 10 chhung atan hmuin, Sawmtea hi zaia rawngbawlna neiin eng emaw chen chu a cham rih dawn niin thu kan dawng.
Mizo Society of America ten kum khat danah Chapchar Kut an hmang thin a, he kut-ah hian Sawmtea hi zai tura sawm niin, May ni 19 khan US a thleng tawh a, Chapchar Kut hi Indianapolis-ah hman a ni dawn a, ni hnih awh kût hmang turin US-a zohnahthlak awmte pawh an inbuatsaih nasa tawh hle a, State hrang hrang atanga zohnahthlak kal khawm ten Mizo hnam lam chi hrang hrang kût-ah hian an entir dawn a ni.
Kût hman zawhah Sawmtea hian State hrang hrangah programme neiin a kal leh dawn a, tuna US a thlen hnua a zai tawhnaah pawh lawm a hlawh hle zel niin thu kan dawng bawk e.
Sawmtea Chhangte US-ah Chapchar Kut hmang turin kal
![](https://theaizawlpost.org/wp-content/uploads/2023/05/foo-1.jpg)