Sawrkar hnathawkte tan damloh nikhuaa phaia rang zawka refer an nih theihna atan online-a tih theih a ni tawh dawn a. Online medical referral portal an siam hi Nilaini khan Health & Family Welfare minister Lalrinpuii chuan a tlangzarh.
Minister chuan, healthcare service leh sawrkar hnathawh tihchak zualna tura online-a medical refer awlsam taka tih theih a ni ta chu lawmawm a tih thu a sawi a. Digital hmalakna chu healthcare governance tih changtlunna leh mipui tana kawng awlsam leh hmalakna tha zawk thlenna kawnga hmasawnna a ni, tiin, online system chu document dahthatna atan, information inpekna atan leh awlsam zawka mipui dawrna kawnga hmang tangkai turin a chah.
Tunlai khawvel thiamna (digital) hmangin MUHCS online registration pawh awlsam taka tih theih a ni a, tun thlengin chhungkaw 46000 chuang an inziaklut tawh tih a sawi bawk.
“Online Medical Referral System hi a nihna tur taka hman a nih theihnan kan hnathawhnaah tih takzet leh tha thlah loa kan thawh a ngai. Emergency refer atan a tangkai dawn a, a viltuten an vil hneh a ngai dawn,” Health minister hian a ti a. Hmang tangkai tur chuan department officer-ten theihtawp an chhuah a, district tina CMO-ten tan an lak a, an hnathawh an pholan thiam a tul tih a sawi a ni.
Mizoram sawrkar chuan damlo enkawl kawnga harsatna awm zirchiangin siamthat dan a ngaihtuah a. Damlo na tak, state pawna enkawl ngai tan referral kalphung, awlsam zawk leh mipui tana rang zawka
Sawrkar hnathawkte tan online-a refer-na tur siam
