Sawrkar kal tawhten mipui
phurrit chhawk turin hma la
– R Lalzirliana
Mipui harsatna sutkian chu roreltu tih tur a ni a a, sawrkar kal tawhten mipui phurrit chhawk zangkhai turin hma an la thin tih MNF hruaitu R Lalzirliana chuan a sawi.
Zirtawpnia an party office-a inkhawmah MNF Political Affairs Committee member R Lalzirliana chuan ZPM sawrkarah mipui an beidawng mek a, thil tha lo zawk a hring chhuak ang tih a hlauhawm hle tih a sawi. “ZPM sawrkar hi dan chunga leng, roreltu uchuak tak ang mai niin an chet danah a lang chho zel a. VC-te an thawhpui theih loh avanga an term tih tawisaka vaute hi a dik lo. Ration buhfai chungchangah a changtu minister min challenge rawh se, tihte hi chapona a ni,” a ti.
Sawrkar chu sumdawng a ni loa, mipui harsatna sutkian chu roreltute tih tur a ni a. Sawrkar kal tawhten mipui phurrit chhawk zangkhai turin hma an la thin tih a sawi a ni.
“Pawisa puk tum lote kha an ni a, mah se, finance enkawl thiam intite chuan thlatin an puk tawh. Lal duh luat vanga an thusawi hian a vaw let mek. Eiruknaah an la fihlim nia an insawite hi a zahthlak a. Eiruk tur pawh an la thawk chhuak lo, hna thawk phawt rawh se,” R Lalzirliana hian a ti.
Chief minister-in Serchhipa ‘sextortion’ a sawi chu a hmuhin a zak tih Home minister hlui R Lalzirliana hian a sawi. “Nenevi Challenge nena tawngtai kha mi hurherhten vawi za chuang min phone, a ti kha a pawi lutuk. Khatiang phone call kha minister ka nih ve lai pawhin ka tawng ngai lo. Mi awmtha duh lote zuam tawk nih hi a serious hle. Engatinge chhui tura an umzui loh,” a ti.
Sawrkar kal tawhten mipui phurrit chhawk turin hma la – R Lalzirliana
