Sawrkar leh party aiawhin kawng siam mek dan endik
Chief minister leh PWD minister hriatpuinain MLA pathum – Kolasib bialtu, deputy speaker Lalfamkima, adviser to CM (Technical) Er H Ginzalala leh T Lalhlimpuia te chuan Nilaini khan Sairang atanga Vairengte inkar kawng siam an endik a. PWD hotute, NHIDCL leh an hnuaia thawk contractor – J Infratech (Jandu), BR Goyal leh Balaji aiawhten an lo dawngsawng.
Contractor-te hian kawng siam hna an thawh mek zel tih an sawi a. Deputy speaker chuan kawng thatna tur leh hmasawnna turin sawrkarin theihtawp a chhuah a, mawh a la tih sawiin, “Sairang atanga Vairengte inkar kawngpui hi NHIDCL hnuaiah Jandu, BR Goyal leh Balaji ten a siam hna an thawk a, an hnathawh dan leh harsatna kan ngaithla a. Kan ramin a mamawh dan, sawrkar leh mipui duh dan pawh chiang takin kan hrilh nawn a. An ni lam inruahman dan chuan nakkum April-ah peihfel turah an inngai,” a ti.
Adviser to CM chuan, kawng vei tak tak kan thahnem chu a lawmawm, tiin, Central YMA pawhin sawrkar an tawiawmnaah lawmthu an sawi tih a sawi. “NHIDCL hian ‘public sector undertaking’ a nih angin contract a pe a, he kawng pawh hi chutianga enkawl mek chu a ni,” a ti.
Sawrkar leh party aiawhin kawng siam mek dan endik
