Sawrkar min enkawl danah Pathian a lawm ring lo

Mizoram sawrkarin a mipuite a enkawl danah Pathian a lawm a ring lo tih BJP Mizoram president Vanlalhmuaka chuan a sawi.
Zirtawpnia an party office-a political session neihah BJP Mizoram State president Vanlalhmuaka chuan Mizoram dinhmun thlirin kan sawrkarin min enkawl dan enin Pathian a lawm a ring lo tih a sawi a. Mizoramah BJP a sawrkar a nih chuan Pathianin a hmangaih Mizoram mipui, retheihna bawiha tang mek, politician-ten an bawih beh tlat te chu retheihna khur atanga chhuaka zalenna leh mahni kea ding a, sum tlem tê tê sem intiama min thlem fo thinna hi a reh tawh dawn tih a sawi. “Mitin tan an mamawh ang hmasawnna thlentira hma la in, hna kan thawk zel dawn a, chu chu BJP chuan kan tum ber a ni. Chumi thlentir tur chuan theihtawp chhuahin hma kan la zel dawn a ni,” a ti.