Sawrkar sum khawih kual dan
corrpution kawng hawngah ngai
Sawrkar kum tawp dawna sum khawihtute khawih kual thin dan chu eirukna kawng hawngtu ni theiah a ngai tih PC president Vanlalruata chuan sawiin, tihtawp a duh thu a sawi.
PC president hian thuchah siamin, kum 2020- 2021 a ral chiah, 2021 March 31 khan Reserved Bank of India (RBI) a Mizoram account-ah cheng khat mah awm loin cheng vaibelchhe 123.35 indaihlohna kan nei a. Hetianga RBI-a minus kan nei hi kumthara harsatna min siam chiamtu a ni thin tih a sawi.
Chutihlaiin hemi ni vêk, 2021 March 31 hian Mizoram sawrkara sum khawihtu officer – Drawing and Disbursement Officer 709 kan neih zinga 285 chuan an savings/ current account-ah sum tam tak tak an kawl a. Heng an kawl hi belhkhawmin cheng vaibelchhe 456.59 a ni tih a sawi bawk.
Thilmak leh maklo hi a thlirtu azir a ni a. Kan ram sum dinhmun hi mak ka tih fo laiin mak ti lo an awm bawk. Hetianga sum khawih kual hi thil hlauhawm tak, corruption kawngkhar zau taka hawngtu a ni a. Sawrkar hian hetiang kal dan hi titawp se kan thatpui zawk ka ring,” Vanlalruata hian a ti.
Sawrkar sum khawih kual dan corrpution kawng hawngah ngai
![](https://theaizawlpost.org/wp-content/uploads/tap_logo-min-large.jpg)