Lui sa hrang hrangte inthlah pun hun a nih avangin sawrkar chuan December 18 thleng lui sa chi hrang hrang man a khap.
Larsap chuan Mizoram Fisheries Amendment Act 2002 section 5(1) leh (2) behchhanin luia nungcha leh sangha chi hrang hrang an inthlahpun hun chhunga tih chhiat leh tih buai an nih loh na tur leh, him taka an inthlahpun theih nan sangha leh nungcha man khapna hun a puang a. Hemi chhung hian man, tih hlum, an chenna leh nunphung tih buai khap tlat a ni tih a sawi.
Lui sa humhalh hi thupek chhuah ni – 2023 October 10 atanga intanin, December 18 thleng a awh dawn a. Hemi chhung hian Autonomous District Council pathum huamchhung tih loh Mizoram hmun dang zawnga lui leh luitea Nghalim, Nghadawl, Nghavang, Nghavawk, Nghahrah, Lengphar, Chakai, Chengkawl, Kaikuang leh luisa dangte man leh tih buai a khap a ni.
Thupek bawhchhia an awm a nih chuan dan tarlan tak tlawhchhanin, thla khat chhung lung in tan, thla 3 chhung pawhsei theih emaw Rs. 5000 thleng chawitir emaw, a pahniha inkawp emawa hrem theih an ni tih a sawi.
Sawrkarin luisa man khap rih
