Supreme Court chuan Patanjali Ayurved te chuan ‘hmasawnna’ an nei tia sawiin advertisement mi hruai dik lo thei an tihchhuah avanga ngaihdam dilna an chhuahah co-foudner Ramdev hmin pawh a lam a.
“Hmasawnna nasa tak hmuh a ni. A hma chuan Patanjali hming chauh a awm a, tunah chuan mihring hming pawh a awm tawh a, kan lawm a ni. An hrethiam a ni” tiin bench of justices Hima Kohlo leh Justice Ahdanuddin Amanulla te chuan Patanjali Ayurved public apology chungchang an sawi a.
Top court chuan Ramdev leh Acharya Balkrihsna te chu public apology an tihchhuahna newspaper original page tinte chu file a record thlawp turin a ti bawk.
Top court chuan Indian Medical Association President RV Asokan an news agency PTI in an interview naa a thusawi a ngai thu tak hle.
Pantanjali Ayurved aiaawh Senior Advocate Mukul Rohatgi chuan RV Asokan interview a a thusawi chungchang a sawi chhuak a. Bench chuan Mukul Rohatgi chu IMDA Director interview chu record siam turin a ti zui a ni.
“Record turin dah rawh u. Thil thleng tawh zawng aiin a serious zawk thei a. A nghawng tur awm turah inpuahchah rawh u” tiin justice Amanullah chuan a sawi a.
“In duh ang diaka thil a thlen loh vang ngawtin engtiangin nge court thutlukna turah thutlukna insiam ngawt ang, chu chu a dik em” tiin IMA’s counsel chu a hrilh a ni.
IMA president chuan PTI tena an kawmnaah Supreme Court-in IMA a sawiselna leh private doctor te practice a sawisel chu ‘vanduaithlak’ tiin a sawi a.
“An hmaa material awm te uluk takin en se kan duh a ni. Court hmaah a hma pawhin issue angin an ngai lo tawh a. Covid war avanga nunna tam tak an chan tawh laia Supreme Court in medical professional te a sir pang lam zawnga a ngai hi a fuh lo a ni” tiin V Asokan chuan interview a neihnaah a sawi a.
Asokan chuan April 23 a Supreme Court in observation a neihah khan Patanjali te pakhat chauhah a dem laiin IMA te a dang pali ah a dem a ni a ti.
SC- in IMA hotu thusawi ngai thutak
