Science Promotion Wing SCERT chuan school zirlai naupang tan State Level Science Seminar 2023, buhtun (millets) chungchang ‘Millets – A super food or a diet fad?’ tih thupui hmangin an buatsaih.
Seminar hmanpuitu SCERT director Zohminliani chuan Mizoten hun rei tak ata kan lo neih ‘buhtun’ (millets) seminar thupui atana hman a ni chu thil tha tak nia sawiin, buhtun chu hriselna atana pawimawh chaw tha chi hrang hrang pai tam leh hun rei tak vawnthat theih a ni tih a sawi a. Science & Technology khawvela kan chen mek avangin a tha zawnga zirlai leh zirtirtuten kan hman a pawimawh tih a sawi a ni.
District hrang hrang atanga pakhatna theuh ten an district aiawhin seminar-ah hian an tel a. District 8 atangin zirlai 8 an tel. Mizoram University leh Science Promotion Wing SCERT atangin mithiamten an endik. State level-a pakhatna hian Mizoram aiawhin kumin October 12 hian New Delhi-a ram pum hiap inelnaah an tel dawn a ni.
State Level Science Seminar a 1-na chu Emily Malsawmzuali, St. James School Chawlhhmun niin 2-na Colbie R Lalhriatpuii, Marian High School Serchhip; 3-na Lalramdinfela, Baptist HSS Serkawn Lunglei a ni. Best Guide Teacher-ah P Lalpekhlui, St. James School Chawlhhmun thlan a ni.
SCERT-in science seminar nei
