School Education department-in
document chiang lo dawng tam
School Education department-in document rinhlelhawm a dawn tam avangin chak leh uluk zawka hma lak a tul tih an hotute thutkhawmah sawi lan a ni.
School Education department chuan thla thum chhunga hma an lak dan thlirletin Thawhlehni khan an minister Dr Vanlalthlana kaihhruaiin an thukhawm a. He department hnuaia office hrang hrang – Secretariat, Directorate, MBSE, SCERT, Samagra Shiksha, Mizoram Language Development Board, DIET leh district official-te an tel.
Academic document lem hmanga sawrkar hna dil leh thawk tawh zingah academic document lem hmang thenkhat hmuh chhuah an ni thin leh hrem leh ban an nih thu sawi a ni a. School Education department hnena document rinhlelhawm thlentu an tam avangin chak lehzuala hma lak a tul tih sawi a ni.
Zirna in tlawh chhuaha endik dan tur, zirna hmanga zirlai naupangte ruihhlo leh zuk leh hmuam laka fihlim tura inkaihhruai dan tur, zirtirtu hna dil tana syllabus hman tur bik duan dan tur, district inrelbawlnaa sub- divisional education officer-te Samagra Shiksha office-a mawhphurhna pek chungchang, HSLC leh HSSLC result siam dan phung tha zawk duan, Samagra kalphung thar tur Samagra 3.0 leh academic document lem zawn chhuah chhunzawm dan tur sawiho a ni.
School Education department-in document chiang lo dawng tam
