Scientist ten Crispr hmangin HIV infected cell tan thei

Scientists te chuan hlawhtling takin infected cell atangin HIV chu Nobel prize lakphahna hial Crispr gene-editing technology hmangin an paih theih thu an sawi.
Bakcheh ang maia thawkin molecular level ah DNA chhia chu a paih thei niin an sawi a.
Beiseina thar nasa tak siamin taksa atanga virus chu nuaibo hlen theih a nih theihna a sang hle a, mahse, him leh tha tawk tak a ni em tia sawi chat tur chuan thawh tur a la tam an ti thung.
Tun dinhmunah HIV medicine te chu virus te chu tithi thei lovin mahse a dang chep thei ringawt a ni.
University of Amsterdam team te chuan an sypnosis chu medical conference neihnaah an pholang a, mahse an thnathawh chu ‘proof of concept’ chauh a la ni tiin HIV tihdamna a ni nghal mai dawn tihna a ni lo an ti thung a.
Dr James Dixon, stem-cell and gene-therapy technologies associate professor, University of Nottingham pawhin full finding chuan scrunity tam tak paltlang tur a la nei a ti a. Hnathawh tur tam tak a la awm a ni tiin a sawi.
HIV vei te a nghawng tha a neih theih nana chuan tihtur tam tak a la awm a ti bawk a.
Scientists dang te pawhin Crispr chu HIV tihdam theih nan an buaipui tho bawk a.
Excision BioTherapeutics te chuan kar 48 hnuah HIV kai volunteer pathum te chuan side effect serious tak an nei lo an ti bawk a.
Mahse Dr Jonathan Stoye, Francis Crick Institute, London a virus expert chuan cell atanga HIV awm te nuaibo vek chu thil awlai a ni dawn lo a ti thung.
“Off-target ten treatment a nghawng lo thei lo va, long-term side effect awm thei a ni” tiin a sawi a.
“Crispr-based therapy te a taka hman a nih theih nan chuan kum tam la ngai thei a ni” tiin a sawi bawk.
HIV te chuan immune-system cell te beiin amah leh amah a in copy pung thei bawk a ni.
Effective treatment ah pawh virus thenkhatte chu an chawl mai chauh emaw a nia DNA ah an la awm tho a ni.
HIV kai tawh te chuan dam chhungin antiretroviral therapy an lak a ngai a. Heng damdawi te lak an chawlhsan a nih chuan virus biru tawh te chu inkai tho in harsatna a thlen leh thei a ni.
Mi tlemteah chuan cancer therapy aggressive tak hmangin HIV hrik te nuaibo in an awm thung a, mahse cancer therapy chu HIV enkawl nana hman mai mai chi a ni lo thung.