World Cup 2026 khelh mek chu tukin zing khan round 2 khelh zawh a ni a, ram 48 tean vawi hnih theuh an khel tawh. An vawi thum khelhna tur leh Group match hnuhnung ber tur chu zanin zanlai dar 12:30 atangin khelh tan a ni dawn. Last 32 lut thei turin Scotland in Brazil lakah fiahna hautak an pal tlang a ngai dawn.
Brazil hian khelh hnih atanga point li hmuin Group C-ah hma an hruai mek a, Group champion ni chunga tlang turin Scotland lakah chak an mamawh. Scotland hian Hati an hneh hnuin Morocco an hmachhawn a, inkhel hmuhnawm leh inhnehtawk takah Morocco laka an tlawm danah an la lungawi thei lo. Morocco lakah hian tum hnih penalty an beisei thlawn a, Issa Diop pawh red card hmu ngei turah an ngai bawk. Morocco laka point an hlawhchhuah zawh loh vangin an dinhmun a chhiat zual phah a, Brazil lakah an tlawm a nih chuan tla thei dinhmunah an ding. Brazil an draw thei a nih chuan last 32 an luh zui ngei a rinawm thung a. Brazil lakah point khat tal hlawhchhuah tumin an thih thain tan an khawh ngei dawn a, Brazil in chak an lo tum hle ngei dawn bawk nen, inkhel hmuhnawm tak a ni ngei ang.
Scotland tan fiahna hautak
