Se vulhtute damna tura hma lak tum
Mizoram khawchhak lam khua, sial vulhtuten ramsa avanga an tawrhna thinah an rilru damna turin hma lak an tum tih Forest minister Lalthansanga chuan a sawi.
Assembly Session neih mekah zawhna chhangin EF&CC minister chuan, Samthang leh khaw danga sial vulhtuten Chinghnia lakah an se no leh se la an chan nasa tih chu department-in a hria tih sawiin, “A awm nem zawk chan a chhe viau zel mai hi Forest department pawhin kan en uluk viau,” a ti.
Pasaltha hoin an hrilh danin, heng lai hmuna Chinghnia hi an fing hle a, an seh tawh ho hi a ruang hlawm mai loa an chan pawhin an rawn khawih nawn ngai loa, an chang chhuak thei lo tih an lo hrilh thu minister hian a sawi a. Sial vulhtute tana zangnadawmna hi an department chuan an pek theih zat a tlem a, a tuartute an tawrhpui a, an rilru damna turin hma lak an tum tih a sawi a ni.
Se vulhtute damna tura hma lak tum
