Kum 2020-a Paris St-Germain atanga free transfer-a Chelsea zawm Thiago Silva chuan season kal lai tawp ruala west London club a chhuahsan tur thu a nemnghet.
Brazilian hian Blues tan game 151 kheltling tawhin, trophy pathum a lakpui zingah 2020-21 Uefa Champions League trophy a tel.
Kum 39 mi lai ni ve tawh Silva chuan a chhuahsan tur club a hmangaihzia chu sawifiah ngaihna awm lo khawp a nih thu sawi chungin, “Ka tan chuan Chelsea hi a hlu khawp a; he hmun hi kum khat chauh cham tura rawn pan ka ni a, kum li ngawt ka khawsa ta a nih hi.
“Club nena kan inhmangaihna zunzam hi a ngheh em avangin inmangtha mai pawh harsa ka ti am vawikhat lek Blue nih tawh chuan kan Blue zui zel fo dawn a nih hi,” tiin thlahna thu a sawi.
Frank Lampard-a’n a club hlui a enkawl lai khan defender Silva hi sengluh niin, Chelsea-ah hian manager dang pathum Thomas Tuchel, Graham Potter leh Mauricio Pochettino a hrawn hman.
Season kal laiah hian a club vawn mek tan inelna hrang hrangah game 34 a khel tling tawh a, chu’ng zingah chuan Premier League-a game 25 a start tawh a tel.
AC Milan centre-back hian Brazil tan pawh match 113 khel tlingin, tuna a chhuahsan tur club-ah hian eng hna emaw tak thawk tura a kirleh ngei a beisei thu a sawi.
Season tawp ruala Chelsea chhuahsan tur Silva
