SEC-in mipa thi rate sang tih
ziaawm dan kawng zawn rel
Mizoram Synod chuan Mizo mipa thi rate sang tih ziaawm dan kawng zawn an rel.
Synod Executive Committee vawi 308-na chu Thawhlehni atang khan Aizawlah an thukhawm a. Ningani thleng a awh ang. Thutkhawm hi Synod moderator Rev R Vanlalnghaka’n a kaihruai a, Synod secretary Rev PB Mankima leh Finance officer Rev VL Luaia Hranleh ten report an pe a ni.
Tun tum thutkhawmah hian thurel tura chhawpchhuah 117 zingah mipa thi rate sang mek tihziaawm dan kawng zawn, Kohhran Hmeichhe Inkaihhruaina enthat, KTP Inkaihhruaina enthat dilna, Synod Service Rules enthat rawtna, Mizoram Christian College Service Rules chungchang, Mizoram University bulhnaia Counselling Centre din rawtna, nupa chungchang dan enthat tihte a tel.
Secretary report-ah Margareth Jones (Pi Zawni) thih thu, corruption do chungchanga hma lak dan tur kohhran tinah lehkha thawn chhuah a nih thu, Krismas leh kumthar vuakveta halpuah leh halmawi hal lo tura ngenna thawn chhuah thu, cancer awareness paper sem chhuah thu, kohhran indanna sum pek chhuah zat, kohhran din nghehna sum pek chhuah zat leh, Council of Churches in Mizoram hawn thute a tel a ni.
SEC-in mipa thi rate sang tih ziaawm dan kawng zawn rel
