Secular humhim dawn leh dawn loh

Lok Sabha inthlan chu India ram secular democratic character atana pawimawh em em niin tun hnai kum 10 chungin democracy fundamental pillar te chuan beih a tawk nasa a ni, tiin CPI(M) general secretary Sitaram yechury chuan a sawi.
Opposition INDIA bloc te chu mipuiah a tla na tial tial tia sawi bawkin mahse a pawimawh chu party tin tena inthlana ‘level-playing field’ in ang tlang an neih chu a ni ang a ti bawk.
Communist Party of India (Marxist) (CPI-M) general secretary chaun kumin Lok Sabha inthlan chu India ram tana ‘existential election’ a ni tiin a sawi bawk a.
He inthlan hian ‘kan secular democratic character te kan kalpui zel dawn nge dawn lo a hril dawn a ni. tun hnai kum 10 chhungin secular democratic character nasa takin a kiang a, constitional values leh constitution fundamental pillars ten beih an tawk ka ti hial a ni. Secular democracy chu economic sovereignty pillar khat a ni a, a dang leh chu federalism a ni’ tiin Yechury chuan a sawi.
“Secular character chu kan humhim dawn nge, Indian Republic secular democratic character chu kan humhim dawn em? nge nia a ral zel kan remti dawn? Chung vang tak chuan tun inthlan hi a pawimawh em em a ni” tiin a sawi.
Yechury chuan INDIA bloc chu Constitution leh democracy humhi duhna avanga piang a ni a, he bloc a party tin te chu mipui te nena inzawmna nei thuk tak vek an ni a ti bawk a.
“INDIA bloc a pianna chhan hu Constitution, democracy leh mihring leh civil liberty Constitution in min tiam te humhim duhna vang a ni a, a pawimawh ber chu Constitution in equality a guarantee leh delivery of justice chu a ni” tiin a sawi bawk a. “Chung humhim chu India bloc a tel party te duhdan vek a ni” tiin a sawi bawk.
INDIA bloc hi a tirah chuan opposition party 40 tangrual te din niin June 18, 2023 khan Patna-ah meeting hmasa ber neih a ni a.
Mahse Bihar a JD-U te leh uttar Pradesh a RLD te chuan an chhuahsan hnuah leh seat sharing agreement an tihfel mai theihloh avangin an zuai hman hial a, mahse, yechury chuan seat-sharing talks te chu tha taka neih mek niin chinfel thuai a ni ang a ti.
“Electoral politics ah chuan seat siamrem leh alliance te hi arithmetic a ni ngawt lo. Politics a ni a, pahnih belh la pali a ni ang emaw pakhat paihla tih ngawt a ni thei lo Tu nge lo kal ang ,a tu nge chhuah dawn etc tih lam ngawt pawh a ni lo. A pawimawh ber chu eng principle nge mipui ten min zawm phahna chhan tur tih zawk a ni” tiin Yechury chuan a sawi bawk a.
“Inthlan chu commerce anga tihhniam i duh a nih thung chuan trading emaw horse trading a ni mai a, chu chu thil dang daih a ni a, chu chu politics a ni tawh lo” tiin a sawi bawk.
Livelihood chu tun dinhmuna thil pawimawh a ber ti bawkin, “mipui tena tun hnaia an rilrua an vei ber chu living standard chungchang a ni. Tun hani kum 10 chhungin statistics en chuan employment level ah hmasawnna a awm lo a ni. Hetianga economic policy hlawhchham hian chhiatna thlenin economy mai ni lo, mihring nun tana pawi a ni” tiin a sawi bawk.
Employment chu mipui te issue pawimawh ber anih laiin BJP te chuan communal polarisation kalpuia mipui hruaipen an tum thung, tiin Yechury chuan a sawi bawk a.
“BJP te hian communal polarisation, huatna campaign etc te hmaign chet an la a ni” tia sawiin, mahse BJP te hmalak dan chu a hlawhtling dawn lo a ti bawk a.
“BJP te mangang chuan state tinah party tihphel tuma chet la in ED, CBI leh agencies dang dang te hmangin house trading turu tak an kalpui a ni” tiin a sawi bawk.
“Seat 270 emaw 400 la theia inringtawk taka insawi reng si eng vangin gne opposition te chakna state ah te party tihphel tuma an hmanhlel tho si. An vau a, an hual a, an party zawm tir an tum a ni” tiin a sawi bawk a. “An party zawm apiang te chu an zawm veleh an case neih te a bo nghal hmak zel bawk a. BJP an zawm duh lo a nih chuan lung in ah khung an ni thung a, BJP te dodal chu lung in ah an awm mek zel” tiin a sawi bawk.
“Inthlanna zalen leh thianghlim kan neih leh neihloh engkim a hril dawn a. Level playing field a awm lo va, electoral bonds an ngah zia te, PM Cares, khawiah pawh crore tel an nei a, kumin inthlan hi khawvel inthlan tawha manto ber a ni ang” tiin a sawi bawk.
“EVMs ah rinhlelhna a awm a, Election Commission hnenah ngenna siamin VVPATs leh EVMs te hman ni se kan ngen a, mahse Election Commission chuan kan dilna te a uksak duh lo” tiin a sawi bawk.