Selena Gomez-i’n US-a dan lova lutru an thawn chhuah te a tahpui- a tih fuh vak lo!
Selena Gomez chuan Donald Trump-a sorkarin US atanga an rama dan lova lutru te an thawn chhuah chu vuipuiin, lungchhe taka a tap lai video social media-ah a post a, mahse, a chan loh khanah he video avang hian an chuk rawn ta deuh a, a video chu a delete leh rang khawp mai.
Selena hian Mexican thisen kai a nih thu hi a zêp lam lo va, Trump-a sorkarin an rama dan lova lut te an thawn chhuah leh dan chuan a lung a tichhe deuh a ni ngei ang, Instagram-a a video post, a delete leh takah chuan, lungchhe taka tapin, “Ka chipui ten beih an tawk a. Naupang te hian engmah an hrethiam si lo. A pawi ka va ti tak em, eng emaw tih theih ka chak hle mai. Engtia tih tur nge ka hre si lo. Ka theihtawp ka lo chhuah ang. Ka intiam e,” a ti. A video-ah hian “I’n sorry” tih leh Mexican flag emoji a dah tel bawk.
Selena Gomez hi a pi leh pute Mexico atanga US-a pem an ni a, a pa chu Texas-ah a piang a, ani pawh 1992 khan US-ah piangin, US khualehtui a ni. Trump hian a campaign lai atang tawhin an sorkar leh a nih chuan dan lova US-a lut te chu a tam thei ang ber thawn chhuah an nih tur thu a lo tlangaupui tawh a, US President 47-na ni tura an lak luh ni atangin dan lova pem lut te thawn chhuak turin hma a la zui ta nghal a ni.
Selena Gomez-i’n US-a dan lova lutru an thawn chhuah te a \ahpui- a tih fuh vak lo!
![](https://theaizawlpost.org/wp-content/uploads/123-456.jpg)