Hero Indian Super League (ISL) hmawr an bawk hnai a, Inrinni Vivekananda Yuba Bharati Krirangan stadium inkhela sihnih faia Odisha FC hnehtu ATK Mohun Bagan chuan semi-final lutin, defending champions Hyderabad FC en final luh an inchuh ang.
ATK chakna goal hnih hi Hugo Boumous leh Dimitri Petratos-te tihluh niin, Mariners leh Hyde-rabad FC hian March ni 9 leh ni 13 hian two-legged semi-final an khel zui leh dawn a ni.
Zirtawpni khan Indian Super League play-off match danga Kerala Blasters leh Bengaluru FC inhmachhawnah buaina chhuakin, Bengaluru tana lehlam pawl inrin hmaa Sunil Chhetri free-kick chhuihluhah Kerala an lawm lo a, thinrima khelmal chhuahsanin, he match hi khelh zawh theih a ni ta lo a, Blasters hian hremna an tawh ngei rin a ni.
First half extra time-a 0-0 a nih laiin India cap-tain Chhetri chuan wall siama Kerala goalkeeper a buai lai takin free kick a chhuih thut a, Bengaluru forward goal thun hi refe-ree chuan pawmpui zuiin, Kerala Blasters lam chuan an goal chhuah dan hi an pawm thei lo a, an home fans hmaa Benga-luru player-te goal lawm an lam mup mup hnuah Kerala Serbian coach Ivan Vukomanovic chuan touch-line lam pana chhuak turin a naute a hui a; Vukomanovic leh a player-te hian khelmual an chhuahsan hmain match official-te an inhnialpui chiam a, inkhel viltute an tan kawh tlat avangin mikhual team-in an khelh chhunzawm duh ta lo.
Thinrim engphiara Kerala team-in tunnel an pan hnuah Bengaluru team hi an mikhualte kirleh hun nghakin minute 20 lai khelmualah an awm a, an tumpuite an rawn lan theih tak loh avangin league official-te chuan chakah home team an puang a; Simon Grayson-a team hian table toppers Mumbai City chu two-legged semi-final lamah an tum zui dawn ta a ni.
Sawi hlawh taka free kick thuntu Chhetri chuan inkhelh banah thil thlen dan kha a hriatthiam loh thu sawiin, a caeer-a kum 20 zet a teikual tawh hnuah khatianga an tumpuite an chhuahtauh kha a la hmuh ngai loh thu ESPN a hrilh.
Semi lut ATK Mohun Bagan
