Sena Hindutva brand chu huapzo a ni : Thackeray

asaheb Thackeray) faction te Hindutva brand chu huapzo a ni a, community hrang hranga sakhuana thila inhuatna thlentu a ni ve lo, tiin Maharashtra Chief Minister leh Sena (UBT) leader Uddhav Thackeray chuan a sawi a. Muslim leh Christian te pawhin India rama dictatorship virmek beilet turin an party beihna an zawm tiin a sawi bawk.
Maharashtra CM hlui hian Konkan region tour neia Rajapur leh Chiplun ah rally a nei bawk a. Rally a neihnaah Shiv Sena faction dang te chu bei bawkin CM Eknath Shinde leh ruling BJP te chu Sena (UBT) te probe agencies te hmanga rikrapah a puh bawk.
Rajapur a thusawina a neihah Thackeray chuan, “Saffron cap mai bakah Muslim community te pawh ka hmu a. Chhatrapati Shivaji statue leh D argah a awm bawk a. Tun hnaia Raigad ka kalnaah Muslim ten Quran Marathi tawnga inziahna min pe a. Hindutva awmzia an hrethiam a ni. Ka sawi nawn leh duh chu kan Hindutva brand chuan sakhuana inhalna emaw community te inkara harsatna siam a tum ve lo, huapzo a ni” tiin a sawi.
Thackeray thusawi chu Bharatiya Janata Party version Hindutva beihna anga ngaih a ni a. Thackeray chuan an party Hindutva chuan ram tana bei duh leh nunna chan te a huam vek a ni a ti bawk.
“Hindu community ten min thlawp a, tunah chuan Muslims leh Christians te pawhin min zawm ve ta bawk a. Mipuite ka ngen duh chu sakhuana leh caste dahtha vekin ram hmangaihtu kan nihna angin kan rama dictatorship inmung mek hi bei let ang u” tiin Thackeray chuan a sawi bawk.
Shinde sorkar State a rorel mek leh Central sorkar BJP te rorelna chu loyala Sena (UBT) leader, MLA Rajan Salvi leh Ravindra Waikar te tibuaia vauah a puh bawk a.
Thla kalta khan Maharashtra Anti-Corruption Bureau chuan Salvi property hmun hrang hranga mi te chu an dapthut a, alakah leh a nupui leh fapa te chu disproportionate asset nei tiin thubuai an siamsak bawk a. ED team te chuan Mumbai ah hmun pasarih lai Waikar leh a sumdawnpui te hmun an dap bawk a ni a ti bawk a.
Waikar hi Mumbai a Jageshwari East Assembly constituency MLA niin nikum atang khan Enforcement Directorate te chuan an zim tawh a, ED te chuan BMC playground atana hauhah Brihanmumbai Municipal Corporation (BMC) te bumin Rs 500 crore vel la a five-star hotel sa mekah an puh a ni.
“Rajan Salvi thlawpa agencies te nawrna nasa takah pawh zam hauh lova a awm avangin lawmthu ka hrilh duh a ni. Tun ang hun harsa takah hian kan lamtang dik tak te kan hria a ni. ED te hian Ravindra Waikar emaw Rajan Salvi te an sawisa hrep thei a, mahse, an tlawm dawn lo” tiin Thackeray chuan a sawi bawk.
Thackeray a Maha Vikas Aghadi sorkar chu June 2022 khan Shinde helna vangin a tlu a. A MLA 54 zinga 40 lawih leh MP 19 atanga 13 lawihin Shinde faction an zawm chungin Thackeray chuan Konkan belt ah huhang an la nei sang hle thung a ni.
Hetihlai hian Konkan region strongman tia sawi Union Minister leh BJP leader Narayan Rane chu a larna a tlahniam hle tia sawi a ni a. Chumai bakah Shinse Sena camp lamah titileng awmin Maharashtra Industries Minister Uday Samant unaupa Kiran Samant chuan Ratnagiri-Sindhugurd ah ticket pek a nih loh chuan Shinde camp chhuahsan a tum tia sawi a ni bawk.
Tun hnaia BJP MLA Ganpat Gaikwad an Shinde Sena leader Mahesh Gaikwaf Thane a police station asilaia akah chungchangah Thackeray chuan Ganpat Gaikjwad chetdan chu a dik lo tiin police ten dan angin an kalpui tur a ni a ti a.
“BJP MLA in Shinde camp leader a kap a, CM chu rupees crore tel tehmeuh dan kalha huiah a puh bawk a. Eng vangin nge police ten hma an lak loh? Chutihlaiin Arvind Kejriwal chenna in an dap a, kan party leader te in an dap bawk a. Eng vangin nge Eknath Shinde chenna in an dap veloh?” tiin Shiv Sena (Uddhav Balasaheb Thackeray) faction chief Thackeray chuan a sawi bawk.