N. Ram, veteran journalist leh Director, The Hindu Group Publishing Private Limited chuan Union government in ‘Sengol’ (sceptre) Parliament building thara boruak siam taka a dah chungchangah kum 1947-a British tena India hnena thuneihna an hlanchhawn chhinchhiahna tia an tlangaupui chu ‘dawt phuahchhuah’ tiin a sawi.
N Ram hian Chennai a ‘What truly transpired on August 14-15, 1947?’ tiha press conference National Thinkers’ Forum tena an huaihawta a sawi a ni a.
Viceroy of India hnuhnung ber Mounbatten-an Pandit Jawaharlal Nehru hnenah a hrilh a, Nehru-a’n C. Rajagopalachari, or Rajaji, (Governor-General of India hnuhnung ber) hnenah thurawn a dil leh tih finfiahna engmah a awm lo tiin a sawi.
“An sawi bulthut ber chu Viceroy hnuhnung ber Mounbatten chu India-ah lo kalin a rang thei ang bera India atanga British an inlakchhuah theih nan leh thuneihna pek ruahman tura kal a ni a. Prime Minister ni mai tur Jawaharlal Nehru chu thuneihna inhlanchhawn dan turah ceremony neih a ngai em tiin a zawt tih a ni a. Chutiang finfiahna chu engmah a awm lo,” tiin a sawi.
“Mounbatten chungchangah lehkhabu thahnem tak a awm a, Viceroy leh Governor-General of India a nih kaihhnawih te pawh a awm a. Mounbatten-a’n Second Jawaharlal Nehru Memorial Lecture neiha ‘Transfer of Power and Jawaharlal Nehru’ tih Trinity College of the University Cambridge a kum 1968 a neihah pawh Mounbatten an Nehru hnena ceremony neih chungchang a zawhna engmah a awm lo,” tiin N. Ram chuan a sawi bawk.
N. Ram chuan Nehru-a’n Rajaji puihna ngena Thiruvavaduthurai Adheenam aiawh New Delhi a special plane a thlawka Nehru hmuh hmaa Mounbatten hmu tura tih a ni tih te chu ‘phuahchawp liau liau’ tiin a sawi bawk a.
“Adheenam aiawh ten Delhi-ah Mounbatten an hmuh theihna tur a awm lo. Nehru an hmu kha chu a dik a, finfiahna pawh a awm a, mahse, Nehru chuan Rajaji thurawn ngenin anin Thiruvavaduthurai Adheenam rawn lehin Sengol chu Vummidi Bangaru Chetty an a siam tih te, eng vanga pek leh eng huna an pek nge tihte leh ‘thuneihna hlanchhawn’ nen inkaihhnawihna a nei tih te chu finfiahna engmah awm lo a ni. Khatih lai khan tu te mahin thuneihna hlanchhawn angin an ngai lo. Indian Independence Act kha British Parliament passed niin August 15 ah India chu independent a ni a, ‘thuneihna inhlanchhawn’ chu Prime Minister atana Nehru, Viceroy nia Mounbatten an a lakluh khan a intan chiah a ni,” tiin N. Ram chuan a sawi bawk.
Adheenam aiawh ten Mounbatten an hmuh theih loh dan sawiin Ram chuan, “August 14 a Mounbatten programme ah chuan thuneihna hlanchhawn tifel turin Karachi panin a thlawk ang a, zan dar 7 ah New Delhi a let leh ang tih a ni a. Nehru an hmuh hma in Adheenam aiawh ten Mounbatten an hmuh ngaihna a awm lo,” tiin N. Ram chuan a sawi bawk.
Adheenam aiawh te New Delhi pan nan special plane hman a ni tih pawh phuahchawp tiin a sawi bawk a. The Hindu chanchinbua August 29, 1947 a advertisement tihchhuah ‘Thiruvavaduthurai Adheenakarthars presentation of Golden Sceptre to Nehruji’ tih thlalak pathum nena tihchhuah a ni a ti a. The Hindu-ah ngei news item tereuhtein August 11 a tihchhuahah golden sceptre chu Nehru hnenah 11 PM-ah pek a ni ang tih a inziak lang a, chu chu thudik a ni a. Thlawhnain an kal em? Adheenam aiawh ten Madras Central Station August 11 an chhuahsan hmaa golden sceptre nena an thlalak a awm a. Adheenam aiawhte hi Sri Kumarasamy Thambiran, Manicka Odhuvar, Sri K.P. Ramalingam Pillai, Sri Subbiah Bharathiyar leh Sri T.N. Rajarathinam Pillai te an ni tiin, N. Ram chuan a sawi bawk.
“Sorkar berin Sceptre chuan thuneihna inhlanchhawnna a entir an ti a. Chu chu Indian independence Act ah a inziak lang lo, khatih lai khan India chu Republic a la ni lo. Constitution puan a nih hnauh a ni chauh a. Historian Madhavan palat, Nehru select work editor chuan chiang takin Nehru khan thuneihna hlanchhawnna angin a remti lovang a chhan chu golden sceptre leh Mounbatten nena thuneihna inzawmna a awm lo tiin a sawi a ni,” tiin N. Ram chuan a sawi bawk
Sengol chungchang ‘dawt phuahchawp’
