Serchhip district-ah HIV kai hmuh thar 65 an awm
Kum kalta chhung khan Serchhip district-ah HIV kai hmuh thar 65 an awm a, an zinga 50 hi mipa an ni.
Serchhip District AIDS Prevention and Control Committee (DAPCC) chu an chairman, bawrhsap Paul L Khuma hoin Ningani khan an thukhawm a. Heta sawi danin, 2024- 2025 sawrkar kum chhung khan an district-ah HIV kai hmuh thar 65 awmin, heng zinga 15 hi hmeichhia an ni a, pathum hi nu nau pai, an inendikna atanga hmuh chhuah an ni.
Inpawlna atanga kai leh hriau inhmantawm atanga kai hi mi 30 (48.38%) ve ve an ni a. Hetihlai hian Mizoram pum huapin kum 2024- 2025 chhunga khan HIV kai hmuh thar 2021 zinga 110 chu nu nau pai, thisen endik atanga hmuhchhuah an ni.
Thutkhawmah hian District Integrated Strategy for HIV and AIDS (DISHA) ngawrh taka kalpui a nih dan, Serchhip DAPCC hmalakna leh hmachhawp report a ni a. Tleirawl kum 13-17 zingah HIV/AIDS leh mipat hmeichhiatna atanga natna inkaichhawn theihte a darh zel lohna tura theihtawpa tan lak niin, an pual hian School Education department nen thawkdunin awareness campaign kalpui thin a ni a. Kuminah pawh Red Ribbon Quiz neih leh tum niin, class 8, 9 leh 11 zirlai tan quiz hi school level, district level leh state huapa neih tum a ni.
Serchhip district-ah HIV kai hmuh thar 65 an awm
