National Highway 54 laih zauh leh siamthat hna thawh meka zangnadawmna dawng tur engemawzat chu tunkar chhung hian pek tum an ni.
Thudawn danin, Serchhip district-a NH-54 laih zauh leh siamthat hna thawh mek hi Serchhip khawchhung helna tura ram neituten zangnadawmna an dawn tur ang pek an phut avangin hnathawktute an lo dang tawh thin a, tunah Serchhip by-pass a ram neitute hnena zangnadawmna pek tur cheng vaibelchhe 1.62 chu November 3 khan sanction a ni tawh a. MLA inthlan kawihhnawiha inkhuahkhirhna avangin duh anga chakin hma lak theih a ni lo a, tunkar hian tihfel tum niin, by pass road siam turah hian Serchhip mi 19 leh Chhiahtlangah mi pakhat, an vaiin mi 20 hnena pek tur a ni.
NH 54 laih zauhnaah pawh zangandawmna la dawng lo te chu tunkar hian tihfel beisei a ni a, zangnadawmna pek tur cheng vaibelchhe 4.4 pawh sanction hmuh a ni tawh. Heng bakah hian zangnadawmna dawng tur mi 70 vel an la awm nia sawi a ni bawk.
Serchhip huamchhung ami tan compensation pe hnai
