Serchhipah Progress Partner te tan training
Nimin khan Serchhip DC Paul L.Khuma chuan The Mizoram Bana Kaih (Hand holding) Scheme hnuaia Priority Progress Partner te tana Serchhip DC Conference Hall-a training buatsaih chu a hawng.
Ram hmasawnna tura sawrkarin thawhpui tura a thlan chuah Priority Progress Partner te chu hlawhtling ngei tura tan la turin Paul L Khuma chuan a sawm a, “Sawrkar hma thlir leh in thil tum a inmil a, theihtawp in chhuah chuan sawrkar flagship programme a hlawhtling dawn a ni” a ti. Ruahmanna tha tak siamin sawrkarah mi tam takin dilna an thehlut a, uluk taka thuneituten an en dik hnuah hlawhtling thei tura beiseiawm te sawrkarin Progress Partner atan a thlang a; chuvangin, an vanneihzia inhria a loan an lak te tiriral mai mai loin, hlawhtlinpui ngei turin DC chuan a chah a ni.
Training kaihruaitu Addl. DC Lalrinzuala pawhin a thlawna tanpuina dawng an ni lo tih inhre tur leh Hand Holding Scheme hnuaiah sawrkarin hmasawnna atana thawpuia a sawm te an ni tih in hre turin a fuih a. A ti tha ber leh hma hruaitu nih tum turin a chah a ni.
Training hi Serchhip district chhunga sawrkarin Priority Progress Partner mi 29 a thlan chhuahte tana buatsaih a ni a. Training buatsaih vawi khatna a ni.
Serchhipah Progress Partner te tan training
