Scotland international Lewis Ferguson chu tun season Serie A lama best midfielder chawimawina ‘Bulgarelli Number 8 Award’ hlan a ni.
He Bologna captain hian Champions League hmun an chuhna kawngah a team tan season ropui tak a hmang a, mahse, April thla mai khan khup hliam avangin a season a zo a, chuti chungin midfielder tha berah an puang zui ta tho a ni.
Hliam a tawrh hma thleng khan Ferguson hi tun season Italian top-flight lama khel tha berte zingah a tel pha a, league match 31 a khelhah goal ruk khungin, assist vawili a siamchhuak tling bawk.
Hliampui a tawrh tak avangin kum 24 mi hian Serie A season a hmangzo thei lo a, zai a tawh zui bawk avangin kumin Germany rama European Championship-ah pawh Scotland tan a inlan thei dawn lo.
Tunhma lama he award lo dawng tawhte zingah Daniele De Rossi, Nicolo Barella leh Sandro Tonali an tel.
Serie A midfielder of the year Ferguson
