SEVENTEEN member WOOZI & HOSHI te sipai tang turin inbuatsaih
Kpop group SEVENTEEN member 13 zinga pahnih chuan South Korea sorkar dan zawmin, thla 18 vel sipai tang turin an inbuatsaih ve leh ta niin PLEDIS Entertainment chuan Weverse-ah an puang a, WOOZI leh HOSHI te chu sipai tang leh tur niin, WOOZI hian September ni 15-ah sipai a zawm anga, HOSHI pawh September ni 16-ah a lu ve nghal ang.
SEVENTEEN-ah hian member 13 an awmnain, mi pakua chauh sipai-ah an tan a ngai a, WONWOO leh JEONGHAN te chuan an military service hi an lo tan tawh a, Joshua chu US khualehtui a nih avangin South Korea dan hian a phuar ve lo a, sipai a tan a ngai dawn lo va, chutiang bawkin THE 8 leh JUN te pawh China khualehtui an ni a, S.COUPS chu ACL injury avangin sipai tan hi a âwl thei dawn bawk a, an member pali te hi sipai tan a ngai ve dawn lo a ni.
An group hian an kum 10 tlin champha lawmin, May ni 26 khan an studio album pangana ‘HAPPY BURSTDAY’ an tlangzarh a, he album hi Billboard 200 chart No.20-ah a debut nge nghe a ni.
SEVENTEEN member WOOZI & HOSHI te sipai \ang turin inbuatsaih
