Shaboozy hla hit ‘A Bar Song (Tipsy)’ chu kar khat chhunga US-a hla lar ber niin, Billboard Hot 100 (singles) chart-ah a No.1 a, he chart-ah hian a zawn lovin kar nga a No.1 tling ta.
Billboard Hot 100 (singles) chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Shaboozey ‘A Bar Song (Tipsy)’ hian kar khat chhungin radio airplay-ah ngaithlatu maktaduai 90.5, streaming maktaduai 33.9 leh sales 12,000 a la nei thei a, hei hi chart-ah a No.1 pui leh ta a ni.
‘A Bar Song (Tipsy)’ hi Billboard Hot 100 Billboard radio chart pali- Country Airplay, Pop Airplay, Rhythmic Airplay leh Adult Pop Airplay-ah te chart top 5-ah a lang vek bawk a, heng radio chart pali-a a ruala top 10 kai vek thei hmasa ber a ni.
Chart No.1 hlui Post Malone ‘I Had Some Help’ featuring Morgan Wallen chu No.2-ah bawk a la awm a, chart No.1 hlui bawk Kendrick Lamar ‘Not Like Us’ pawh No.3-ah bawk la awmin, Sabrina Carpenter ‘Espresso’ pawh No.4-ah bawk a la awm a, Tommy Richman ‘Million Dollar Baby’ pawh No.5-ah la awmin, chart top 5 ranking hi kar liamta nen a la ngai chiah a ni.
Chappell Roan ‘Good Luck, Babe!’ chu No.8 atangin No.6-ah a insawn a, Billie Eilish ‘Birds of a Feather’ chu No.10 atangin No.7-ah insawnin, chart No.1 hlui Sabrina Carpenter ‘Please Please Please’ chu No.9 atangin No.8-ah a insawn ve leh a, chart No.1 hlui bawk Teddy Swims ‘Lose Control’ chu No.6 atangin No.9-a a tawlh ve thung a, chart No.1 hlui Hozier ‘Too Sweet’ chu No.7 atangin No.10-ah a tawlh ta bawk.
Shaboozey ‘A Bar Song (Tipsy)’ a la Hot ber
