Shaboozey ‘A Bar Song (Tipsy)’-in Hot 100 chart record a siam

Shaboozey ‘A Bar Song (Tipsy)’-in Hot 100 chart record a siam
Shaboozey hla, Billboard Hot 100 (singles) chart-a No.1 kai thei hmasa ber ‘A Bar Song (Tipsy)’ chu he chart-ah hian kar 17 a No.1 tling ta a, chart record siamin, midang zaipui lo a he chart-a No.1 ni rei thei ber a ni. Kar kalta khan Morgan Wallen ‘Last Night’ record a rawn nih rual a, tunkarah lehpelin, amahin record a siam ta a ni.
A nawlpuiah chuan he chart-a No.1 la ni rei ber chu Lil Nas X ‘Old Town Road’ featuring Billy Ray Cyrus niin, 2019 khan kar 19 a No.1 thei a, he hla pawh hi Lil Nas X hlaa he chart-a No.1 kai thei hmasa ber niin, record a siam zui ta a ni. Shaboozey ‘A Bar Song (Tipsy)’ hi kar hnih dang a No.1 leh thei a nih cuan ‘Old Town Road’ record a rawn nih rual thei tawh dawn a ni.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre U.S. streaming (official audio leh official video), radio airplay leh sales data te chu tehna pawimawh a ni. ‘A Bar Song (Tipsy)’ hi radio airplay-ah ngaithlatu maktaduai 70.7 an la tling a, stream maktaduai 21.2 leh sales 5,000 a la tling thei bawk.
Lady Gaga leh Bruno Mars ‘Die With a Smile’ chu a kar hnih nan No.2-ah bawk a la awm a, Billie Eilish ‘Birds of a Feather’ pawh No.3-ah bawk ala awm a, Sabrina Carpenter ‘Espresso’ pawh No.4-ah bawk a la awm a, chart No.1 hlui Teddy Swims ‘Lose Control’ chu No.6 atangin No.5 a kai thar leh a, chart No.1 hlui Post Malone ‘I Had Some Help’ featuring Morgan Wallen chu No.5 atangin No.6-ah a tawlh ve thung.
Sabrina Carpenter hla dang, chart No.2 pawh lo ni tawh ‘Taste’ chu No.9 atangin No.7-ah a insawn thar leh a, chart top 10-ah hian Benson Boone hla hit, chart No.2 te pawh lo ni tawh ‘Beautiful Things’ chu No.11 atangin No.8 a kai thar leh a, Morgan Wallen hla, chart No.1 pawh lo ni tawh ‘Love Somebody’ chu No.8 atangin No.9-ah a tawlh ta bawk.
Tyler, the Creator ‘Sticky’ featuring GloRilla, Sexxy Red leh Lil Wayne chu No.14 atangin No.10 a kai thar a, Sexxy Red tan he chart top 10-a a lan vawi khatna niin, GloRilla tan a vawi hnihna niin, Lil Wayne tan a vawi 26-na a ni ve thung.