Shakira & Burna Boy “Dai Dai” a lar ber
World Cup zo tawhin, Spain-in Argentina hneha championsip trophy an khaw lama an hawpui tawh hnuah pawh football fever a la reh mai lo a, Shakira leh Burna Boy hla sak, 2026 FIFA World Cup official song “Dai Dai” chu kar khat chhunga khawvel huapa hla lar ber niin, Billboard Global 200 chart-ah a No.1 a, hetihrual hian Oasis “Wonderwall” pawh top 5-ah a lang.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh download sales teh chu tehna pawimawh a ni.
Sakira leh Burna Boy te “Dai Dai (FIFA World Cup Official Song 2026)” chu kar khat chhunga hla lar ber a la ni a, kar hnih chhung he chart-ah hian a No.1 ta a, he chart-a official World Cup anthem No.1 ni thei hmasa ber a ni. Hetihrual hian Oasis 90s classic ‘Wonderwall’ pawhin World Cup zar zoin, top 5 a rawn kai ve leh ta a, he hla hi World Cup laia England fans lamin an hman lar avangin a rawn lar thar leh ta a ni.
‘Dai Dai’ hian kar khat chhungin stream maktaduai 43 leh sales 5,000 neiin, chart No.1 a ni. World Cup hmawr bawk dawn lamah he hla hi lar lehzualin, opening ceremony, June ni 11-a Mexico City-a Estadio Azteca-ah Shakira leh Burna Boy te hian an lo perform tawh a, World Cup final halftime show-ah an perform leh bawk a ni.
Oasis “Wonderwall”-in stream maktaduai 35 leh sales 4,000 neiin, No.21 atangin No.4-ah a invawrh a, he hla hi kar khat chhungin stream 64%-in a pung a, fans lamin England World Cup team awih nan an hman avangin a hla hi hralh a kal thar leh ta a, a vawi khat nan he chart top 10-ah a rawn lang ta a ni.
He hla hian 1996 khan Billboard Hot 100 No.8 te pawh a lo kai tawh a, Billboard Global 200 chart-ah hi chuan 2024 khan No.50 a kai a, chu chu a tawn san ber a ni thin a, tunah No.4 a rawn kai ta a ni.
Chart No.1 hlui Ariana Grande “Hate That I Made You Love Me” chu No.2-ah bawk awm lehin, Ella Langley “Choosin’ Texas” chu No.3-ah bawk a la awm a, chart No.1 hlui Michael Jackson “Billie Jean” chu No.4 atangin No.5-ah a tawlh ve thung.
Billboard Global 200
Top 10:
1 Dai Dai (FIFA World Cup Official Song 2026) – Shakira X Burna Boy
2 Hate That I Made You Love Me – Ariana Grande
3 Choosin’ Texas – Ella Langley
4 Wonderwall – Oasis
5 Billie Jean – Michael Jackson
6 Stupid Song – Olivia Rodrigo
7 Dracula – Tame Impala & JENNIE
8 Beauty And A Beat – Justin Bieber Featuring Nicki Minaj
9 Swim – BTS
10 Ordinary – Alex Warren
Shakira & Burna Boy “Dai Dai” a lar ber
