Shakira chuan Las Mujeres Ya No Lloran World Tour a nei mek a, tunah hian Mexico a hrut tan a, Mexico-ah hian Estadio GNP Seguros-ah concert vawi 12 a nei dawn a, heng show atana ticket awm zawng zawng an hralh zo vek a, ticket maktaduai an hralh tling thei niin promoter OCESA chuan an tarlang.
OCESA chuan thuchhuah siamin Estadio GNP Seguros, Mexico City-ah hetianga stadium ngai a show 12 neih zawn hi a vawi khatna niin an tarlang a, mi maktaduai 129 vel chennaa ticket maktaduai hralh tlin theih chu pui tak a nih thu an tarlang.
Colombian superstar Shakira hian Mexico-ah hian show vawi sarih nei tawhin, tunah hian a thawh hnihna atan August ni 26, 27, 29 leh 30 bakah September ni 18-ah te show a nei leh dawn a, a hmun ngaiah vek show tum 12 a nei tihna a ni a, Shakira tan pawh a ngai a show a neih hnemna ber tur a la ni.
Shakira tour neih mek hi a hlawhtling viau a, tun kum chanve chhunga concert ticket hralhna atanga sum la lut tam ber pawl niin, June thla thleng khan dollar maktaduai 130 chuang a kai tawh a ni. Shakira hi Billboard Best 50 Female Latin Pop Artists of All Time-ah No.1 a ni bawk.
Shakira-i’n Mexico-ah ticket sales record a siam
