Kumina Sinlung Hills Council inthlan neihna atana hman tur final electoral roll chu Thawhtanni khan tlangzarh a ni a. Aizawl, Saitual leh Kolasib district a huam a, heng district-a bial/ polling station awm chu district election officer theuhin an tlangzarh.
Aizawl district huamchhunga final roll hi Aizawl district election officer Er. Lalhriatpuia’n tlangzarhin, Aizawl district huamchina Sinlung Hills Council-ah hian voter 10799 awmin mipa 5338 leh hmeichhia 5461 an ni a, constituency 6 awmin, polling station 19 a awm a ni.
Saitual district final roll hi district election officer Dr Lalngura Tlau chuan a tlangzarh a. He district-ah hian SHC constituency 4 awmin, vote nei 8047 an awm a, mipa 4074 leh hmeichhia 3973 an ni. Constituency 4-ah hian polling station 12 a awm.
Kolasib district huamchhung ami chu Kolasib DEO Robert C. Lalhmangaiha’n a tlangzarh ve thung a. Constituency pahnih awmin, voter 4943 awmin mipa 2463 leh hmeichhia 2480 an awm a; polling station 7 a awm a ni.
Aizawl, Saitual leh Kolasib district belhkhawmin Sinlung Hills Council-ah hian constituency 12-ah voter 23789 an awm a, mipa 11875 leh hmeichhia 11914 an awm a, mipa aia hmeichhia tamna chu 39 a ni. A vaiin polling station 38 a awm a ni.
SHC-a vote awm zat tichiang
