SHC-in rangva sem
Sinlung Hills Council huaihawtin Thawhlehni khan Sakawrdaiah Council huamchhung bial 12-a mi harsa, in chung chhe tawh leh in chung khuhna neilote tan rangva sem a ni.
Rangva sem hi a vaiin bundle 362 a ni a, SHC chief executive member Lalthlamuana Hmar chuan a hlan a. SHC bial tina Council member-ten an bial theuha mi tur dawngin, an sem chhawng ve leh dawn a ni.
“Sinlung Hills Council hruaituten mipui hmasawnna tur ruahmanna hrang hrang siamin, kawng tam takah hmasawnna kan hmu tawh a; kan la hmu zel dawn a ni,” CEM Lalthlamuana Hmar hian a ti. SHC huamchhung bial tina mi harsate tana rangva sem theia an awm chu lawmawm a tih thu a sawi a. Sinlung Hill hmasawnna tur ngaihtuahtu Mizoram sawrkar hnenah pawh lawmawm a tih thu a sawi bawk.
SHC-in rangva sem
