Siaha-ah Adoption Awareness Month
District Child Protection Union (DCPU) Siaha buatsaihin Nilaini khan Siaha-ah Adoption Awareness Month hawn a ni a, Mara Autonomous District Council-a Social Welfare department changtu executive member T Seido chuan a hmanpui. Kumin Awareness Month thupui atan ‘Rehabilitation of older children through Foster care and Foster Adoption’ tih hman a ni.
MADC EM chuan nu leh pa leh enkawltu mumal nei lo, fahrahte nun riangvai zia sawiin, dan ang taka fa lak chu naupangte tan khawvel nuam tak siamsakna rahbi pawimawh tak a ni tih a sawi.
Sawrkar laipuiin naupang humhalhnan dan pawimawh tak tak – POCSO Act leh Juvenile Justice Act a duang tih a sawi a. An duan anga tangkai taka hman a nih theihnan mipui nawlpuiin awareness neih a ngai a, a tul huna hmang tangkaitu ni turin a chah. Adoption Centre leh naupang humhalhna kawnga thawktute pawh hmangaihna rilru nen hna thawk turin a fuih.
DCPU Siaha protection officer Teddie T Lalnunrema chuan non institutionalised care chungchang a sawizau a; DCPO Laltlanmawii chuan keynote address pe in, Siaha Child Adoption Centre coordinator TT Sabina (SCAC) chuan Siaha-a SCAC din dan leh an kalphung tlangpui a sawi a ni.
Siaha-ah Adoption Awareness Month
