Siaha district huamchhunga tlawmngai pawl lian ber, Mara Thyutlia Py/ Mara Thalai Pawl (MTP) Gen. Hqrs hruaitute chuan Ningani khan larsap Dr Hari Babu Kambhampati chu Raj Bhavan-ah an hmu a. Mara Autonomous District chhunga hmalakna thenkhat leh bawhzui ngai nia an hriat te an sawipui.
MTP hruaitute hian hun rei tawh tak chu MADC huamchhunga thalaite zingah sipaia tling an tlem chu veiawm an tih thu an sawi a. Army recruitment awm thinah Siaha district thalaite an tlin ve theihna’n kawng zawn sak turin an ngen.
General Nursing & Mid-wifery School Siaha sak hna thawh chu hun rei tawh tak atang khan ngaihven a ni lo tih an sawi a. Kuminah sak puitlin a nih theihna tur leh Nursing School a nih anga kalpui a nih theihna’n hma laksak turin an ngen a ni.
MTP aiawh hian president Pakhaw Choza leh asst. general secretary N. Solomon Beihlotha ten larsap hi an hmu a ni.
Siaha district hmasawnna tur sawi
