Siddaramaiah-an Shah dawt sawiah puh

Chief Minister Siddaramaiah chuan union Home Minister Amit Shah chu Karnataka chuan drought relief Centre a thehlut hara a puhnaah ‘dawt muhlum’ sawi a ti.
Mysuru a reporter te zawhna chhangin Siddaramaiah chuan State sorkar chuan drought relief memorandum chu October 2023 hma in Central team tena enfiah tura Karnataka an pan hma in \um thum an thehlut tawh a ti a.
“Ka thusawi hi dawt a nih chuan ka bang ang” tiin Siddaramaiah chuan sawiin Union Home Minister Amit Shah chuan ka thusawi a dik a nih chuan a bang ve ngam tur a ni a ti bawk.
April 2 khan Amit Shah chuan Karnataka State sorkar chu drought relief memorandum thehlut tlaiah a puh a, chuvang chuan Election Commission in model code of conduct an puan hman bawk si avangin engmah a tihtheihloh tiin a sawi a ni.
Siddaramaiah chuan Reveue Minister Krishna Byre Gowda nen December 19 ah Central aid dilin New Delhi ah Prime Minister Narendra Modi an hmuh thu a sawi a. December 20 ah Amit Shah nen inhmu zuiin chutah chuan Amit SHah chuan Central aid pek a nih theih nan high-level committee chu December 23 ah a kaihhruaina hnuaia neih a ni anga chutah chuan thutlukna siam a ni ang tia a lo hrilh thu a sawi bawk.
Thla li lai a liam tawh hnuah pawh Prime Minister leh Home Minister te chuan Central aid min la pe lo. “Eng vangin nge Amit Shah hian State in memorandum an thehlut tlai a tih ngawt? Thlaruk kalta khan memorandum kan thehlut tawh a. Central aid an pe chhuak duh lo a nih chuan vote zawng turin moral rights an nei lo. Eng vangin gne Home Minister hian dawt muhlum a sawi?” tiin a sawi bawk.
A thusawi tichiang turin finfiahna a neih vek thu sawi bawkin Siddaramaiah chuan State sorkar in khawkheng a puan, memorandum thehlh ni leh Prime Minister leh Home MJinister a hmuh ni leh Supreme Court hnena State sorkar in National Disaster Response Fund (NDRF) dilna a thehluh te nen lam phawrh theih vek a nih thu a sawi bawk a.
NDRF hnuaiah State in khawkheng, tuilian leh khuarel chhiatna a tawhin Centre in a\anpuina a pechhuak ang tih chu 15th Finance Commission rawtna a nih thu a sawi bawk a. NDRF ah hian State fund pawh a tel tia sawiin State mipui te chu BJP te zirlai zirtir turin a ngen bawk.
“November 2023 a\ang tawh khan nang leh i Ministry chuan kan loneitu 35 lakh chuang te crop leh income hlohna nasa tak tawk te harsatna chu i \hutpui mai mai a, subsidy Rs 4,663 crore pek tur an nghak mek a ni” tiin a sawi.