Sikkim Press Tour vailiam
Information & Public Relations department bultuma Mizoram Journalists’ Association member-te puala Sikkima-a Press Tour nei turte chu Thawhlehni zing khan I&PR minister Dr Vanlalthlana’n vailiamin Aizawl an chhuahsan.
Rualawhnain hmasawnna a kaihruai, tia minister hian sawiin, mipuite rual awt thei tura thuziak lamah tan la turin journalist-te a fuih a. A bikin Sikkim-in tourism lam an kalpui dan, Mizoram tana tangkai tur uluk taka chhinchhiah turin a chah.
Sikkim Press Tour-ah hian MJA atangin vice president C Lalhmachhuana hoin member dang 9, an vaiin 10 an tel a. I&PR atangin DIPRO Zonunchama Ralte nen mi pahnih an tel a ni.
Sikkim Press Tour vailiam
