Mizoram Assembly deputy speaker Lalfamkima chuan Assam state-a Silchar-a Mizoram sawrkar hmunhma neih – Mizoram House, Mizoram State Transport Terminal leh Mizoram Public Works Department (MPWD) a tlawh.
Deputy speaker hian Mizoram sawrkarin Silchar-a hmunhma a neih ho dinhmun hrechiang tura tlawh a ni tih sawiin, heng hmunhma hi humhalh a, cheithat bakah mipui chhawr theiha tihchangtlun lehzual a tul tih a sawi. MPWD hmunhma pakhat, Circuit Road-a awm chu, a luahtu chhungkaw hnihte an chhuah duh loh avangin harsatna a awm a, a tul anga hma lak a nih tur thu a sawi bawk.
Deputy speaker hi Mizoram House, Silchar-a assistant resident commissioner Hasina Begum leh Silchar-a Transport leh PWD-a thawkten an lo dawngsawng a ni.
Silchar-a sawrkar hmunhma en
