Silk pangang puitling seng
District Sericulture Office Mamit chuan Govt. Muga Seed Farm, Hmar Veng Mamitah Nilaini khan Muga silkworm (silk pangang) ‘Favang Seed Crop (Bhodia)’ an khawi atangin pangang puitling an seng a. Addl DC Carolyn LB Khiangte chuan a hmanpui.
,District Sericulture Office hotuten pangang khawi dan leh a kal hmang an hrilhfiah a. Kuthnathawktute hnena hlan a nih dan leh pangang sengna atan hma an lak dan sawi a ni bawk.
Muga silkworm seng rual hian Mutih pangang (Eri) khawi mekte pawh en ho nghal a ni a. District IPR leh MJA Mamit member-ten an telpui.
Muga Seed Farm hi Ningani khan Govt. Mamit Higher Secondary School class-XI & XII Science zirlai leh zirtirtuten an tlawh a, Muga leh Eri pangang khawi dan an en a. Sericulture hnathawh leh hmalak dan bakah silk pangang chanchin leh a khawi dan zirtir an ni.
Silk pangang puitling seng
